Lánimøguleikar

Realurin veitir bert til lán til vinnulig endamál. Endamál stovnsins er at veita lán við veð í fiskiførum, farmaskipum, ferðavinnuskipum og flótandi eindum og førum í frálandsvinnu og fiskaaling við heimstaði í Føroyum.

Lán kunnu verða veitt til bæði nýbyggingar og umbyggingar. Lán kunnu eisini í serligum førum veitast til eldri ognir, fígging av eigaraskifti og innfrían av lánum við tyngjandi avdráttarbyrðu. Veðsettar ognir skulu verða forsvarliga tryggjaðar.

Stovnurin kann veita lán við 1. og 2. veðrætti antin sum einsamallur veðhavari ella saman við javnsettum veði frá aðrari fíggingarkeldu. Lán við 1. veðrætti kunnu ikki fara upp um 60% av metingarvirðinum.

Lán við 2. veðrætti kunnu verða veitt saman við 1. veðrættarlánum og kunnu ikki fara upp um 80% av metingarvirðinum.